國足騷哥利1.95倍W剝「牙」

猪拉多纳

10/08/2011
文： 洪心Dee

中國出戰世界盃20強預賽前，今晚會同遠道而嚟嘅牙買加「拍跳」，由於主帥高洪波盛傳將被西班牙教頭甘馬曹取代，如無意外今次會係佢最後一場領軍嘅波，相信一眾戰將都希望做齣好戲歡送佢，由於牙買加冇派出最強陣容出戰，國足有力喺主場贏番仗為之後嘅比賽壯聲威，1.95倍主勝可以一捧！（中央5台周三晚7:35直播）


半隊牙買加國內搵食


國足周一已到合肥備戰，而且入住當地5星級酒店，實行要抖足精神踢好對牙買加場熱身賽。國家隊除郜林因傷退隊外，其餘主力如杜威、蒿俊閔、馮瀟霆等都悉數入選，據知甘馬曹極有機會到場視察眾國足成員表現，想為自己奠定將來國家隊嘅位置，今場真係要加多幾錢肉緊爭勝。國足近5場比賽全部贏晒，更狂入19球狀態唔成疑問，以逸待勞有力響勝鼓。




牙買加今次訪華嘅陣容唔算最勁，18人入面有一半都係効力國內聯賽，海外球員就以喺土耳其搵食嘅舒爾頓最有名氣，實力一般兼且又舟車勞頓，睇怕都難有作為。