巴西小將着晒火狂轟沙特

猪拉多纳

10/08/2011
文： 牛奶仔

世青盃16強聽朝繼續上演，奪標熱門之一嘅巴西會同D組次名沙特阿拉伯對決，一對箭頭菲臘比古天奴同漢歷基艾美達近2仗着晒火，遇上實力平平嘅沙特料可大開殺戒，要1.85倍「讓球主勝」。（開賽時間：周四早上9:00）




巴西雖然有左閘阿歷士辛度喺第2場分組賽對奧地利時嚴重受傷，要提早結束今次哥倫比亞之旅，但無礙佢哋嘅整體發揮。


沙特遇硬嘢即死


重拾王者本色嘅巴西近2仗分別大派3、4蛋，當中國米中場菲臘比古天奴更明顯超晒班，近2仗攻入3球，至於聖保羅射手漢歷基艾美達亦連續2場有波入，聽朝遇上沙特唔難取得入球。加上巴西今場仲有後衞祖安古靴美刑滿復出，更添後防穩定性。




沙特阿拉伯喺頭2場無疑係威係勢，合共大派8隻光蛋，不過佢哋上場一遇上實力分子尼日利亞，即刻吞2蛋離場。事實上，沙特今次歷史性出線16強，但其實大軍球員全部都係喺國內搵食，實力難同巴西大軍相比，睇怕都好難有進一步突破。