借題發揮：長途好手更捷勝

猪拉多纳

　　高伯新今季能否立即企穩陣腳，真係好講天時、地利、人和，有馬喺手上又點樣 ！？ 冇病冇痛，贏得就話啫，一旦走相反方向，咁就弊傢伙。當然，筆者唔係黑心，唔會想人閉翳﹗事實上，此廐接收咗一部分華人倉口嘅舊馬，某程度上，生唔生性，好睇那批馬表現係點。

　　正如由吳廐轉投嘅「更捷勝」，6歲嘞，但只係跑咗一季咋，區區6場，里程啱啱起步冇耐，如果高伯新有本事撚得好，此馬在長途賽，好有機會幹出一番功績。

　　去季此馬出賽6場獲1P，成績不理想，惟上名一役的對手唔係差，撇開當時賺了賽事形勢，但在其附近一齊衝嘅唔係嘢小，有「善風」、「中華寶寶」、「精密紡」等駒，淨係計呢場水準，佢目前評42分，季初跑得三兩場熱吓身，一落五班仲唔超晒。

Jack