賓菲加靚陣殺迪冇手軟

猪拉多纳

12/08/2011
文： 牛奶仔

葡超開咧！今晚揭幕戰由上季葡聯盃冠軍賓菲加，作客升班球隊基維辛迪，雖然賓菲加有法比奧干查奧離隊，但一眾新兵表現對辦，條防線仲硬淨咗好多添，既然上季首席射手奧斯卡卡度素暫時肯留隊，火力有保證，一於要2.1倍讓球客勝。（開賽時間：周六凌晨3:45）


基維辛迪後防主力離隊


大家咪以為賓菲加嗰件法比奧干查奧轉投皇馬，防守能力就大幅下降，事實上，教練佐治捷西斯精甩尾，佢攞呢筆錢羅致咗多名球員，尤其係集中改善防守力。賓菲加先踢走蝦碌門神羅拔圖占美尼斯，喺布拉加撬件巴西門將阿度亞返嚟，加埋西班牙國腳卡迪維拿及前皇馬球星加雷來投，防線分分鐘仲勁過上季。




講到鋒力，賓菲加就令人更有信心。比利時10號仔韋素同洛尼圖2名中前場生力軍，喺季前熱身賽表現出色，配合暫時肯留隊嘅奧斯卡卡度素，又使乜愁冇波入先？




相反，對家基維辛迪自2006年降班後，今季重返葡超未有大舉增兵，後防一哥洛迪加路最近仲跳船走咗去布拉加，穿隆防線要抵擋賓菲加來襲，似乎難啲喎。