燕豪芬遇弱勢反彈

猪拉多纳

13/08/2011


近期金融市場負面消息此起彼落，股市一瀉如注，想博反彈嘅朋友如意算盤打唔響。不過球賽方面就有一隻好嘢值得博反彈，就係荷甲勁旅燕豪芬，佢哋首輪作客輸波，對球隊當頭棒喝，依家應該醒晒，今晚主場可望大炒華域克，讓二球都捧「讓球主勝」。




（now 638周日凌晨1時45分直播）


華域克豆腐防線


燕豪芬話晒係荷甲傳統Big3，球員質素及榮辱感點都有保證，屬於優質藍籌球隊，衰極有個譜。事實上，燕豪芬今季引入唔少新兵，包括前鋒梅頓斯及中場韋拿杜姆等人，前者上仗已有波入，後者有「新史奈達」之稱，球隊實力有增無減，短暫失利反而會激發球員爭勝鬥心，尤其係新球季首場主場聯賽更加唔可以再失威，勢必連本帶利大勝。




另一方面，客軍華域克只係新升班球隊，上仗主場對荷華高斯都要先失兩球，之後全因對手有球員被逐，加上博到十二碼，先至幸運逼和二比二，今次作客級數高嘅燕豪芬，淨輸三球或以上好合理。