車魔猛騷２連激

猪拉多纳

14/08/2011


英超開鑼第二日嚟到真正高潮，兩大爭標熱門車路士同曼聯今晚排隊登場，分別作客史篤城同西布朗，猛騷２連激由八點半開波踢到凌晨，球迷點可以錯過？車、魔今季來勢洶洶，對手難作攔路虎，有望開出「紅盤」！


保亞斯考牌唔衰得 車仔強爆史篤城


車路士早場作客史篤城，呢場波絕對係英超首周最好路一場，原因一句講晒，就係自班主阿布拉莫域入主以來，車路士英超連續8季首場賽事全勝，單憑呢個數據已令人信心十足，但樂比仔理由又點會咁少？




（有線200及300台周日晚8時30分直播）




中國人講求意頭，咩事都要開靚個頭旗開得勝，阿布雖然係猶太人，但猶太人同中國人本身就有唔少相似地方，加上阿布係一個典型暴發戶，所以首場比賽對佢來講非常重要，佢哋開咧連贏8季，唔係巧合咁簡單。曾經打過阿布工嘅新帥保亞斯開鑼戰一定會做得好好睇睇。


費托傷愈有望落場


可能有人擔心保亞斯首次執教英超，會唔會難以適應，但呢點可以放心，因為探子出身嘅保亞斯最擅長就係刺探軍情同埋資料搜集，佢當年擔任莫連奴助手，已摸清晒車仔嘅戰術同埋各球員嘅優點，車仔班底多年來非常固定，保亞斯只係花好少時間，已令球隊上軌道，從熱身賽7戰全勝僅失1球，就知道班球員已自動波，全速前進！




冇錯，史篤城係一支相當硬淨球隊，經常締造冷門賽果，但佢哋嘅手榴彈戰術，只會嚇到軟弱無力嘅阿仙奴之流，對住車仔從未佔過甜頭，近6次交手車仔5勝1和，攻入16球，樂比仔對車路士信心十足，客Ｗ有1.62倍絕對超值！車仔賽前更收好消息，「金童」托利斯證實傷患康復迅速，今仗有望上陣。

史篤城Vs車路士

周日晚8時30分

西布朗Vs曼聯

周日晚11時