天鵝當弗搶紅鑽

猪拉多纳

14/08/2011
文： SAMVO肥叔

趁住球季開鑼，肥叔去咗越南同柬埔寨等地探吓啲行家，菠菜市場瞬息萬變，每季都有唔少變化，如果繼續保守經營唔肯追上大潮流，遲早會被淘汰，所以肥叔一有機會就同班行家聚吓，大家交流心得咁先會有進步。




亞洲菠菜業仲有好大發展空間，但好多人吼住呢一個龐大市場，個個都想分一杯羹，市場競爭愈來愈大，唔少中小型莊家都捱唔住。商業社會就係咁現實，從來都係汰弱留強，若然墨守成規唔肯放遠眼光，永遠都只係隻井底之蛙；以為自己好叻，實際上根本就唔入流！


車仔曼聯買大好過


今晚英超兩大熱門曼聯及車路士齊齊登場，兩支名牌球隊例牌扯飛，依家只係季初階段，佢哋實戰踢成點好難講，作客讓波好擇使，西布朗及史篤城主場硬淨，兩支名牌讓波隨時累街坊。好多朋友話睇波不賭波冇癮，如果真係想玩多少，肥叔建議呢兩場買大盤。




歐洲波開咧冇耐變數多，今日重心推介揀番場日職，新潟天鵝主場對浦和紅鑽，睇績紅鑽剋死天鵝，莊家開個平手盤好似好筍，不過紅鑽已成日職二流球隊，評級唔算高，天鵝近期當弗三連勝，寧捧當頭起，平手盤要天鵝。（now 633周日下午5時直播）