皇馬巴塞各有人撐

猪拉多纳

14/08/2011


巴塞醒定皇馬勁？兩大班霸皇家馬德里同巴塞隆拿先喺西班牙超級盃正面交鋒，力爭呢個季前榮譽壯聲威。兩隊波喺香港有唔少球迷，其中明星足球隊嘅一班巨星就力撐巴塞可搞掂對手先拔頭籌，不過，now兩大評述員林慶麟及曾偉忠就大唱反調，話皇馬今時唔同往日，大有機會捧盃旗開得勝！


黃日華


「巴塞成班球員夾慣夾熟，地面進攻水銀瀉地，真係Mark都Mark唔住，皇馬難捧盃。」




預測戰果




首回合：打和1:1


林慶麟


「皇馬鬥心睇落比人強，巴塞明顯有季初病，故皇馬秤高啲！」




預測戰果

首回合：皇馬勝2:0

陳百祥

「雖然巴塞球員都比較矮，但其實當年球王馬納當拿都好細粒，成班人默契十足，皇馬完全唔夠踢。」

預測戰果

首回合：巴塞贏1:0

曾偉忠

「皇馬兩回合至少贏一場，佢哋熱身賽表現唔錯，收到備戰效果，球隊應可順利捧盃。」

預測戰果

首回合：皇馬小勝1球