世大運男足 中國遇哥倫比亞難樂觀

猪拉多纳

14/08/2011


大運會東道主中國男足首輪賽事失利，只能逼和同組最弱球隊納米比亞，令唔少球迷非常失望。中國今日會面對哥倫比亞，情況同樣唔多樂觀，千祈唔好睇得太高。




中國今次以中甲球隊北京理工大學為班底，主帥金志揚曾領軍參加○三及○五年大運會，經驗相當豐富。不過，中國演出再次令人失望，首仗對納米比亞失守後空群而出，搞到後防險象環生，反映大軍部署麻麻，一輸波即時亂晒陣腳。哥倫比亞首戰大敗於南韓腳下，但對住中國形勢完全唔同晒，有機會突襲搞掂對手。