C朗親戚炒車經理人昏迷

猪拉多纳

14/08/2011


西超盃前C朗嚇餐死！依家全心備戰嘅C朗，日前收到個恐怖消息，佢嘅3個親戚同埋經理人文迪斯喺馬德里遇上車禍。據報炒車嗰陣C朗兩個姐夫同阿媽嘅男友都喺車上，文迪斯更加一度昏迷，好在佢醒番後仲可以自己爬出車廂，架車冇耐後仲着埋火添！不幸中之大幸係4人被送入醫院檢查後都冇大礙，全部返晒屋企休息，相信C朗都唔使太過擔心。所以佢最近都仲有心情去拍廣告，而且表演射爆玻璃添呀！