維京馬會主W偏熱要跟

猪拉多纳

14/08/2011
文： 自由恒

今日賠率變動較上周淡靜，單係主客和，周日賽事就只係得4場郁咗，升溫球隊包括（日）2札幌岡薩多、15車路士、43富明尼斯及44巴西U20。


4隊落飛波都跟唔過


老老實實，車路士同巴西U20都係因為名牌效應，雖然筆者本身都鍾意森巴兵團，但唔會因為落飛再加注，畢竟強隊如果冇乜負面因素，臨場都肯定會再熱，但最後贏唔贏到就係後話。巴甲嘅富明尼斯熱咗，都只係夾番外圍市況，唔算係異動，至於札幌岡薩多升溫雖然唔係好解釋到點解，但問題係日本波落飛死嘅情況實在太普遍，都係當時運高睇唔到算。


輸過畀白蘭恩照樣有飛


既然賠率變動冇乜玄機，不如搵番馬會賠率同埋歐洲平均賠率作比較，睇吓搵唔搵到好嘢，當中以維京最值博，佢哋前仗喺挪超曾經輸過畀白蘭恩2:3，排名就低一大截，不過今晚挪盃再碰頭，維京主W得1.72倍，較歐平1.85倍熱得多，值得一試。