阿積士「主勝」有得芬

猪拉多纳

14/08/2011
文： 牛奶仔

阿積士今季新兵表現對辦，其中保爾列達同特奧贊臣更於開咧戰建功，呢支衞冕冠軍今晚返主場出擊，迎戰有主將停賽嘅海倫芬，有力再大勝一仗，一於要1.58倍「讓球主勝」。（now639台周日晚8:30直播）


新兵有料到


阿積士上季重奪聯賽冠軍後，今夏繼續大舉增兵，簽入荷蘭中場保爾列達，更由爭標對手川迪挖走特奧贊臣，進一步鞏固實力。上場佢哋作客迪加史卓普，雖則先失1球，最終都憑上述2名中場新兵各建一功，加上蘇利馬尼梅開二度，反勝對手4:1，當中一眾新舊球員已經漸見默契，新季首次喺主場出擊，相信會更加落力爭勝，送見面禮畀一班主場球迷。




海倫芬上季僅以12位完成聯賽，今夏佢哋以原班人腳應戰，難被寄予厚望，結果佢哋上場亦只能逼和奈梅亨。同時，瑞典籍中場主力域陀伊姆喺上場領紅被逐，今仗要坐波監，又少個人用。再睇埋往績，海倫芬已經連續4次輸畀阿積士，當中每場都至少失2球，睇怕今晚都難逃厄運。