捧小保加細好過Ｗ

猪拉多纳

15/08/2011


上次講過「零和博弈」，當然亦有「非零和博弈」，「非零和博弈」啱啱同「零和博弈」嘅「有你冇我」概念相反，係可以透過合作達到雙贏。喺賭場入面有一種「零和博弈」包含「非零和博弈」，就係「廿一點」。


廿一點至有非零和博弈


每個閒家同莊對賭，當然係「零和博弈」，但閒家之間其實有合作成分，令到莊家輸錢，閒家之間就係「非零和博弈」，例如莊家「煙屎面」，枱面冇出過公仔，尾家不斷博牌希望博走隻公仔，令其他閒家贏錢，最終出嚟嘅結果，各閒家贏輸夾埋唔係「零」，可以係全贏，可以係全輸，咁就係「非零和博弈」。


攻力一般難炒聖達菲聯


當然啦，喺足球菠菜就冇「非零和博弈」，所以球迷一定要搵最有利自己嘅選擇。上次講過投X「讓球」及「讓球主客和」嘅技巧，今日講另一種選擇技巧，周二朝早場阿甲小保加對聖達菲聯，小保加主Ｗ1.52倍，睇賠率好似好穩陣，但其實兩軍今季攻力一般，未必多波入，小保加亦未必贏梗，相反細盤有1.65倍，仲好分過主Ｗ，衡量過實際情況同賠率，呢場揀細就好過揀Ｗ喇。