英雄回歸學生隊「聖」望濃

猪拉多纳

15/08/2011
文： 走肖

南美自由盃捧盃功臣保斯利今季回歸，學生隊聽朝主場對聖羅倫素，重返球隊嘅射手保斯利應該會把握機會開齋。雖然保斯利開咧戰冇波入，但表現得到好評，加上隊長華朗有機會傷愈復出，一於熱捧學生隊1.67倍主勝。（開賽時間：周二早上6:10）


聖羅倫素甩皮甩骨


09年保斯利以8個入球，協助學生隊成為自由盃冠軍，雖然佢上年轉投韋根，適應唔到英超比賽節奏，外借熱拿亞亦撻唔着，不過返到阿甲佢當堂生猛晒，上星期打和紐維爾舊生隊1:1嘅比賽，爭取到唔少入球機會，而且隊長華朗、中場加斯頓費南迪斯同門將維拿預計會喺今場傷愈復出，牌面強過聖羅倫素好多。




聖羅倫素就弊囉，目前至少有5個球員因傷避戰，其餘有幾個球員未好番晒上陣成疑，當中影響最大係中場羅馬洛尼同中堅加斯頓阿古利打柴，大家知啦，原本聖羅倫素陣容已經唔多夠睇頭，依家連叫做代表過阿根廷國家隊出戰嘅羅馬洛尼都唔踢得，作客回歸強陣嘅學生隊，好難有運行。