精英隊主力星散「梅」到爆

猪拉多纳

15/08/2011
文： 牛奶仔

今晚荷甲獨腳戲，士氣大振嘅奈梅亨會返到主場出擊，迎戰聯賽升降機精英隊，可乘對手人腳大變仲未磨合完成，輕鬆取得今季首勝，要1.93倍「讓球主勝」（開賽時間：周二凌晨2:00）


奈梅亨門將證身價


奈梅亨今季由新帥柏斯托亞執教，上場作客海倫芬喺落後2球之下，最終連入2球追和搶得1分，士氣大大提升。加埋近日有傳主隊門將施利臣獲得阿積士青睞，預料呢位荷蘭門將今場定必大顯身手，證明身價博轉會。




另邊廂，近年一直都喺甲乙組浮浮沉沉嘅精英隊，上季最終喺護級附加賽連過兩關，先得以保住甲組席位。不過，呢支飛燕諾嘅衞星球隊，今季人腳出現極大變動，當中上季一班護級功臣分別被飛燕諾回收，又或者轉投其他球隊，後衞高爾域克更係加盟奈梅亨今戰倒戈，話唔定會喺賽前大爆舊東家嘅軍情添，精英隊實力有限都係輸少當贏。