樸茅有質素唔赦雷丁

猪拉多纳

16/08/2011
文： ComboKing

今日有唔少歐聯、英冠同英甲賽事，阿King過關重心係樸茨茅夫對雷丁，好多人都覺得樸茅近年星散人丁單薄，係其中一支降班熱門，但其實人多冇用，一場比賽計埋換人都係要十四個球員落場啫，樸茅人腳勝在有一定質素，主場受讓要捧。（周三凌晨2時45分開賽）




比起其他球隊，樸茅嘅人腳的確單薄咗少許，但其實今季已經有所好轉㗎啦，事關今夏簽入咗幾名新兵包括諾里斯、華尼及馬華路禾尼都屬經驗戰將，加上又有傑臣、靴達臣及賓希姆等前英超兵坐鎮，所以千祈咪太睇小樸茅嘅實力。雷丁上場爆過小冷門贏李斯特城，但其實雷丁今季走咗沙恩朗之後，攻力已有所削弱，作客讓波實在信唔過，捧受讓嘅樸茅「讓球主勝」。


唐卡士打吹「細」風


另一關阿King同樣揀英冠，唐卡士打對諾定咸森林，森林今季有前英格蘭領隊麥卡倫領軍，好多莊家因此而睇高呢班波，但要知道森林其實冇咩好球員加盟，所以實力唔見提升好多。加上森林攻力欠佳，開咧兩場聯賽都未入到波，今場一於捧細。




至於最後一關同樣揀細，阿甲小阿根廷人同紐維爾舊生都係開細專家，小阿根廷人近四場開細，而紐維爾舊生就連開六場細，兩軍對碰，當然撐細盤。