聖保羅大騷Encore

猪拉多纳

18/08/2011


今晚大堆歐霸盃賽事，但唔好唔記得仲有巴甲同美職，其中阿美利加明尼路主場對聖保羅，阿King推介大盤。聖保羅近期踢到着晒火，盧卡斯洛迪古斯（圖）、施些路甚至老將李華度都弗爆，但於巴甲絕不能睇小主場威力，阿軍入得又失得，捧大盤好過！




（周五早上8時開賽）




有留意開巴甲嘅朋友，都知賭巴西波不宜同主隊拗頸，主場因素對比其他地區聯賽更勁。阿美利加明尼路目前雖於聯賽包尾，但狀態不俗嘅大牌勁旅聖保羅作客，客W亦過兩倍，咁好分就知聖保羅並非食硬主隊。事實上，阿軍上次主場就以三比○大數富明尼斯，呢隊波入得失得，近四場全數開大，而聖保羅近四場作客三次贏波，雙方都有入波本錢，吼大好路。




另一場彭美拉斯主場對巴希亞，彭軍近期走勢極曳，成班前鋒唔似搞乜全部冇貨交，已連續三場○入球，相反巴希亞近六戰僅一敗，捧「讓球客勝」。美職芝加哥火燄主場對華盛頓聯隊，主隊攻力欠奉捧「讓球客勝」。