維迪斯落飛跟番轉

猪拉多纳

20/08/2011


交易現場今日帶大家去到風車國一場唔多起眼嘅荷甲聯賽，由維迪斯主場對烏德勒支，市場唔同菠菜公司開出嘅盤口分歧甚大，導致開盤後出現大規模嘅技術性調整，而馬會更將主W低開至1.75倍，偏離歐洲市場平均價1.91倍，值得大家跟番轉。（周日凌晨零時45分開賽)




維迪斯呢間球會嘅背景，相信會引起好多人嘅興趣，因為傳言指車路士班主阿布拉莫域係幕後老闆之一，雖然官方否認有關說話，但兩間球會關係密切係公開嘅秘密，好似上季教練費拿、球員尼曼查馬歷、拉積高域等都係車路士嘅人。


簽10名新兵實力升級


為咗唔想畀人閒言閒語，呢班車路士球員今季全部撤走，但卻一口氣簽咗十名球員，當中包括森巴兵阿歷士山度士同安達臣山度士，加埋前日本國腳安田理大，陣容唔算超班，不過喺荷甲中型班嚟講已算鶴立雞群，從開鑼兩戰不敗兼冇失波，已證明呢隊波有一定實力！




講番市場走勢，部分菠菜公司如偉德初盤將主W高開至2.4倍，但現已跌至1.85倍，另外SBOBET亦由2.37倍調低至1.85倍，馬會出手更狠，主W低開至1.75倍，究竟係咪掌握內幕？真係要佢哋至知！