多蒙特業績佳主場起紐

猪拉多纳

20/08/2011


重磅藍籌股以穩健可靠見稱，因而成為股民及基金心頭好，德甲多蒙特已經二十一年主場未輸過畀紐倫堡，睇往績多蒙特絕對屬於「大藍籌」，呢支上季盟主今仗再遇「私房菜」，相信三分可手到拿來，主W熱爆燈，可直取1.82倍「讓球主勝」。（周六晚9時30分開賽）




衞冕嘅多蒙特上輪作客輸畀賀芬咸，主因係有唔少主將踢完國際賽，出現疲態所致，經過一周休息後，球員叉足電，應可恢復水準。事實上，多蒙特今季人腳變動小，質素有保證，特別係對紐倫堡，更係十拿九穩。翻查對賽成績，多蒙特最近一次聯賽主場不敵紐倫堡，已經係一九九○年，近四次交手，多蒙特全勝，三次淨贏兩粒或以上，呢份「業績」夠晒亮麗，令人充滿信心。


紐倫堡主力離隊


紐倫堡上季爆冷打上前列，陣中主力隨即成為各大球會爭奪對象，次席射手舒希巴、中場靈魂根度簡及防線支柱安達斯禾夫已經離隊，恐怕又會打回原形，今場捧蛋居多。