港籃世大運學到嘢

猪拉多纳

21/08/2011
文： 樂比堅尼

世界大學生運動會進入尾聲，樂比仔好遺憾行唔開，無緣北上參觀呢項盛事，不過依然好留意足球同籃球賽事，尤其係香港男籃今次有份出戰，同世界各地勁旅交手，相信小將們獲益良多。




香港男籃今次編喺B組，分組賽先後不敵澳洲、加拿大、塞爾維亞及土耳其，進入遺材賽後，昨日以73比86不敵阿聯酋，今日下午將會對菲律賓，輸波嘅話就會喺23支參賽球隊之中排包尾，若然贏嘅話，周一就爭第21名。香港男籃面對多支世界級勁旅，落敗可謂非戰之罪，慶幸係兩名主力李琦及陳翊麟發揮出色，對阿聯酋一仗兩人得分都喺20分以上，相信假以時日，兩人將成為港隊主力。




赫斯歐霸盃大敗要反




女籃方面，最驚喜嘅係中華台北四強加時擊敗瑞典，打入今日決賽，與美國爭冠，美國女籃實力強橫，中華台北要爆冷可謂不可能的任務，但能夠歷史性打入決賽，樂比仔都要講句好嘢！




講番推介，蘇超基爾馬諾克主場對赫斯（周日晚10時開賽），赫斯周五凌晨先踢完歐霸盃，仲畀熱刺大炒五蛋，今仗作客隨時冇晒士氣，梗係捧主隊啦！