狼隊富咸駁火合演入球騷

猪拉多纳

21/08/2011
文： Sherry

自從考完試之後，小妹真係成個人都鬆晒，就連腦筋都清晰咗好多！上星期小妹除咗貼中黑池，仲掟出自己人生第一個「ton80」，都幾旺架，今晚食住個勢，再推介大家玩狼隊個2.1倍「入球大」！


適當減壓事半功倍


之前考試同趕功課嗰陣，壓力真係大到爆，小妹每晚洗頭，都見到大量頭髮甩出嚟，嗰陣時心諗，唔通咁早要儲錢織髮？哈！好彩，考完試之後，小妹已經再冇「脫髮煩惱」，除咗諗清楚自己未來條路，Relax一排後再操番鏢，狀態仲出奇地好，畀我掟中「ton80」（見附文）添！當然，小妹都知讀書壓力比起工作壓力小巫見大巫，不過道理咪又係一樣：釋放壓力令工作事半功倍囉！




每個人減壓都有唔同方法，小妹就鍾意睇波同掟鏢，哈，係咪好男仔頭呢？我自己都覺架，不過冇計啦，要幫讀者贏錢，就梗要睇波做功課啦！今晚英超狼隊對富咸，狼隊首戰作客贏布力般2:1，小妹睇番重播，見到班球員走上走落好肯搏，狀態幾好，對家富咸雖然開咧戰和波，但佢哋喺歐霸盃不斷有比賽，入波入到唔識停，兩軍鋒力都唔錯，一於博佢哋上演入球騷啦！


咩叫ton80？


喺飛鏢「01-game」中，鏢手每Round掟3鏢，如果每鏢都掟中20分嘅3倍區，嗰Round嘅得分正好係180，術語即係「ton80」，亦係每Round最高得分。若果合計分數由101至150稱為「low-ton」，150以上就叫做「hi-ton」。




百足咁多爪嘅大學生，熱愛運動，最鍾意同啲Friend唱K兼睇波，曼聯中場路爾斯安達臣同車仔前鋒費托都係佢杯茶！


微博傳情


上星期小妹有兩件事都係人生第一次，兩件事諗起都好開心架！第1件係頭先講嘅「ton80」啦，第2件就係着婚紗喇！大家唔好誤會，小妹唔係嫁，只係幫朋友做Wedding Model啫！話晒第一次，點都要自拍留念嘅！

Sherry靚盤

狼隊（入球大）