紅軍hea踢英聯盃旺細

猪拉多纳

24/08/2011
文： 麥馬拿仁

今晚英聯盃第二圈賽事，利物浦作客甲組仔埃克塞特，預計將搵尼高治、保臣、祖高爾等二線兵擔大旗，或會陷於苦戰。以波論波，紅軍實力當然高過對手，但缺乏組織而且狀態、戰意俱不足，拿仁吼半場和同細盤。（now 638周四凌晨２時45分直播）




雖然紅軍今年大舉收購球員，亦冇歐洲賽負擔，但英聯盃始終都只係雞肋，將畀尼高治、祖高爾、保臣等擔正，小將如積克羅賓遜亦會登場，而杜尼亦勢必取代連拿把關。利物浦一向不擅作客，今仗仲要用二、三線兵，組織力將大大減低，開賽後縱然會取得較多控球權，但預計入肉埋門唔會多，埃克塞特難得鬥勁旅，有氣有力個個多走一步下，捱到半場完全唔出奇。




翻查近兩季紅軍於本土盃賽鬥低組別對手戰績，去季主場對諾咸頓打和一比一；前季作客列斯聯贏一比○，兩鬥雷丁都和一比一；前季主場都係僅勝克魯二比一，睇到後備紅軍斤両不足，細盤有2.3倍分頭博得過。


布力般博開齋


另一英超球隊布力般流浪主場鬥錫周三，布力般今季未開齋，遇弱旅要大炒打起信心，捧「讓球主勝」。