山度士劫「富」爭上游

猪拉多纳

24/08/2011
文： 亨格比利

擁有尼馬、甘素同艾蘭奴3位巴西國腳，山度士都仲要喺降班邊緣徘徊，戰績確實令球迷大跌眼鏡。好在佢哋知恥近乎勇，上仗終於砌低巴希亞止血，聽朝巴甲補賽有埋兩位中後場悍將復出，照計可以乘勝追擊o趙低富明尼斯，捧1.8倍主勝。（開賽時間：周四早上7:30）




山度士近8場聯賽有6場失分，禮拜日終於踢番場爭氣波，作客以2:1力克巴希亞止頹，隊內唔少球員都話喺客場攞晒3分有如打咗支強心針，加上尼馬尋日接受《Terra Brasil》訪問時，再一次重申唔會喺巴甲收季前轉投皇馬，陣營士氣可謂一流！




更值得高興嘅，係中堅兼隊長伊度達辛拿、中場柏拿齊齊刑滿復出，前鋒波捷斯今季已有10球進帳，攻、守兩瓣都信得過。反觀今仗對手富明尼斯作客一向唔掂，近5場巴甲客戰就錄1和4負，對住榜尾阿美利加明尼路都要吞3蛋，咁嘅防線點頂得住尼馬呀？