漢諾威唔識守難頂西維爾

猪拉多纳

25/08/2011


至於另一支德甲球隊漢諾威作客鬥西甲西維爾（周五凌晨3時05分開賽），Hoffen就唔多睇好，皆因西班牙夏天炎熱同潮濕氣候，向來都令德國球隊唔適應，漢諾威兵源有限，教練史隆卡領軍向來唔識守，雖然首回合主場領先2:1，但今場作客相信好難保住領先優勢。




西維爾聯賽未開咧，但反而可以專注歐霸盃，佢哋熱身賽連戰都有好成績，包括5:0大炒愛斯賓奴，前線三叉戟尼格度、干尼同簡路迪都有好狀態，佢哋陣中仲有前德甲兵拿傑迪錫同杜查奧斯基都對漢諾威踢法有深入了解，今仗主場唔只贏一粒，推介2.25倍「讓球主勝」。