些路迪名牌受讓咪落疊

猪拉多纳

25/08/2011


菠菜市場充斥盤口派，專注發掘「筍盤」，不過，專業操盤手不時會刻意製造「筍盤」，如果未能全面分析賽事實況，好容易墮入呢類糖衣陷阱。




歐霸盃賽事有幾場個盤都幾特別，蘇超名牌球隊些路迪作客瑞士大軍錫永受讓平半，若以兩軍名氣比較，錫永點秤都唔及些路迪，後者近季經常於歐聯作賽，今次降格打歐霸盃似乎有超班感。不過，蘇超近年水平急跌，些路迪今時今日只屬歐洲三、四線球隊，作客特別曳，實在不宜過分高估。




同日烏克蘭代表迪尼普主場對英超大軍富咸，迪尼普首回合大敗，完全冇得踢，今場仲要讓波，出面吹晒風話呢班波今場有計，有唔少跟風客即時捧晒上盤，係咪真係飛到波飛o架？如果大家有睇迪尼普上場踢成點，相信就算出面吹緊十號風球都揀唔落手，呢場兩隊都揀唔落手，當睇少場。