韋根不擅攻難啃昆士柏

猪拉多纳

27/08/2011


上個星期講過，通過長期觀察對手，知道對方特性及習慣性，有助作出對自己有利選擇，其實另一方面，要搵到自己嘅習慣，亦有好大幫助。


檢討菠菜習慣謀改進


經典電影《賭神》有一幕指賭魔陳金城研究賭神500鋪Showhand，觀察出賭神每每「偷雞」時會先摸摸手上嘅戒指，雖然最終踢爆呢個係賭神自己加入去用嚟跣陳金城嘅伎倆，但亦都說明，每一個人喺賭上面都會有唔同嘅習慣，當中有好有壞。




大家有冇審視過自己喺賭波時嘅習慣性？有啲人只會買上盤，有啲人只買下盤，有好多人輸咗第一注就不停增加注碼，一定要贏番晒，相反有啲人就贏咗第一注之後，就鍾意「冧」上去，最尾可能輸一次就輸晒之前辛苦贏落嘅。大家不妨趁季初，檢討下自己嘅賭博習慣，睇吓有冇改善空間，令到成個球季都可以贏大錢。




今日心水韋根主場對昆士柏流浪，韋根讓平半要下盤。韋根開咧兩連和，佢哋同昆士柏流浪都係踢穩守突擊，唔識主攻，流浪受讓可取。（有線201及301台周六晚7時30分直播）