弗賴堡食過翻尋味

猪拉多纳

27/08/2011
文： 郭球奇

上季德甲奇兵弗賴堡今季認真黑仔，不過球奇相信佢哋今周返主場對禾夫斯堡可以反彈。事關「狼堡」近排後防亂過亂世佳人，加上弗賴堡喺主場一向恰慣對手，呢場「雙堡」大戰，球奇捧硬1.55倍「讓球主勝」！（開賽時間：周六晚9:30）


柏比斯施斯連續3場建功


上季排第9嘅弗賴堡，今季成績大跌，暫時喺德甲取得1和2負仲未開齋，不過隊中射手柏比斯施斯就交足功課，而且連續3場入波。其實呢位塞內加爾前鋒今季一早話想離隊他投，近日仲有傳獲3間球會垂青，不過弗賴堡就話唔急放人，球奇相信柏比斯施斯今晚一定再加兩錢肉緊，希望藉表現氹買家盡快出手！




禾夫斯堡上周作客慕遜加柏本來被認為係場五五波，點知後防竟錯漏百出，最後更大敗1:4。為咗改善防守，教練馬加夫近日簽入利物浦中堅基傑亞高斯，不過呢位希臘中堅出晒名擅攻不擅守，球奇真係睇唔出佢對增強防守力有咩幫助，最慘「狼堡」近10年作客弗賴堡都未贏過，以佢哋德甲兩連敗、兩仗僅入1球但喪失5球嘅表現嚟睇，呢鋪對弗賴堡想破宿命絕對唔易！


弗賴堡地頭恰死「狼堡」


日期 戰　果




2011/02/19 弗賴堡 2:1 禾夫斯堡




2010/04/25 弗賴堡 1:0 禾夫斯堡

2005/01/29 弗賴堡 1:0 禾夫斯堡

2003/11/08 弗賴堡 3:2 禾夫斯堡

2002/02/05 弗賴堡 0:0 禾夫斯堡

2001/05/19 弗賴堡 4:1 禾夫斯堡