蒙彼利埃士氣高「昂」

猪拉多纳

27/08/2011
文： 朱楓

相信季前冇太多人會估到蒙彼利埃會喺新一季彈出，但睇真啲，原來係有迹可尋，今晚呢支法甲「一哥」作客啱啱踢完歐聯元氣大傷嘅里昂，受讓一球有力偷雞開出2.35倍「讓球客勝」！（now634台及廣東體育周日凌晨3:00直播）


里昂開季連和兩弱隊


蒙彼利埃今季超勁，一開閘就取得3連勝、入8球僅失1球嘅輝煌戰績，喺法甲排榜首。好多人都覺得佢哋只係撞彩，但朱楓賽前睇番數據，原來蒙彼利埃自09年重返法甲後，8月例牌發癲，連埋今年，就累積咗7勝4和，個勢勁到咁，今晚呢場8月最後一場賽事梗係捧得過！




同蒙彼利埃相反，里昂今季出閘就唔太順利，繼前仗法甲被升班球隊阿些斯奧逼和1:1後，聯賽又同弱旅比斯特打和1:1，日前喺歐聯附加賽次回合作客魯賓卡山幾經辛苦先逼和1:1，預計今場中場哥古夫、艾達臣同隊長克里斯繼續倦勤，想砌低如日中天嘅蒙彼利埃唔易！