借題發揮:王者先鋒未見底

猪拉多纳

　　睇番「王者先鋒」上季贏馬一役，真係幾誇張，在谷草1000米，竟可憑後勁一衝過晒，記憶中，唔多中班谷草最短途賽事，有呢種贏馬鏡頭，所以，對呢場特別有印象。

　　不過，「王者先鋒」贏馬當晚，較後場次亦有外叠冚上嚟嘅例子，可能係場地緣故，令此駒份外衝得勁，但可打敗「生豪」，頭馬水準幾高，因後駒再出可順利補中，證明前駒仍有分數未兌現。

　　以性能而言，此駒應集中跑1200米或以下，增程未必係好事。而因其跑法屬於留留埋埋追一段，步速快嘅場合，一定特別啱，所以，捧場與否，除了場地正常要緊，賽事形勢也要配合。至於今季係咪當打期，如以同父馬「化工之昇」做辦，「王者先鋒」應會用得就用，或會係襟跑而喼到成績之輩。

Jack