史奈達主宰歐聯

猪拉多纳

28/08/2011
文： 黃興桂

筆者認為當今世上最完美足球錦標賽必屬歐聯，呢項大賽集歐洲各大頂級球會，除大國之外，其他二、三線聯賽冠軍隊亦有權參與，包含唔同踢法，亦有南美及亞洲等精英，夠膽講句歐聯比任何賽事更高水準，甚至比世盃有過之而無不及，起碼巴塞隆拿實力勝過任何國家隊。


曼聯要買史奈達先掂


歐聯另一精妙之處在於賽制多元化，由外圍賽打起，到分組賽採取聯賽式雙循環，踏入十六強至四強轉為主客兩回合制，設有作客入球優惠，決賽又改於中立場一戰定生死，幾乎集所有形式比賽方式於一身，好考教練及球員應變力、耐戰力，令賽事充滿懸念，確實引人入勝。




睇番分組形勢，F組阿仙奴難打，兵工廠幾位主力離隊，面對多蒙特、馬賽及奧林比亞高斯亦佔唔到甜頭，除非如傳聞中，領隊雲格可簽下史奈達。而曼聯一班年輕球員雖然潛質優厚，但要喺歐聯對巴塞等勁旅時偷雞亦唔容易，除非費格遜可以收購史奈達，所以話曾協助國際米蘭捧歐聯嘅史奈達主宰呢兩支英超豪門歐聯命運。歐聯分組賽下月中展開，Peter到時再同大家分析。