皇馬谷到行大盤通薩

猪拉多纳

28/08/2011
文： 麥馬拿仁

全攻型皇家馬德里入得失得，唔買大唔知買乜！「銀河艦隊」本季西甲第一擊作客薩拉戈薩，客W得1.21倍勁奀，季初亦未必贏到兩粒。連西超盃加熱身賽八仗，皇馬全數開大，兩軍近五仗對撼又未開過細，吼1.48倍大盤。




（now 632及660周一凌晨2時直播）


季前8戰全大


早前拜讀《輝煌心水》，好認同加輝所言，皇馬要同巴塞爭一日之長短，一味死守打爛仔波都唔係辦法，一定要打得更具侵略性，增強攻力先係王道。莫連奴一步一步打造心目中最強球隊，於季前八場賽事已經谷行班波，C朗拿度、賓施馬、奧斯爾腳風大順，入波如食生菜。班波谷前咗，當然苦了門神卡斯拿斯，近三仗失六粒正路。




薩拉戈薩本季加入十名新兵，但都名不見經傳，整體實力同上季分別不大。佢哋一向唔赦「銀河艦隊」，對親都鬥攻，今場要入皇馬波唔係話好難，大盤有1.48倍咪嫌少。