里爾馬賽大騷Encore

猪拉多纳

28/08/2011
文： 笛子波童

剛剛周中進行咗歐聯分組賽抽籤，三支法甲代表以里昂出線前景最樂觀，雖然佢哋同九屆冠軍皇家馬德里同組，不過其餘兩軍阿積士及薩格勒布戴拿模喺實力及經驗上明顯較遜色，里昂應可坐二望一。反而里爾及馬賽運氣麻麻，里爾面對前屆冠軍國際米蘭及莫斯科中央陸軍固然難踢，馬賽情況仲惡劣，佢哋近年對住英超球隊都冇啖好食，想贏阿仙奴已有一定難度，同組仲有上季德甲盟主多蒙特，一不留神隨時包尾出局。


馬賽法冠盃贏5:4


里爾、馬賽先在今晚法甲碰頭，兩軍係上季聯賽入波最多兩支球隊，季初法冠盃馬賽贏五比四，睇番雙方頭三輪聯賽防線都有唔少失波，今次又有可能出現大手交易，捧1.95倍入球大。




（now 634周一凌晨3時直播）