史達冇攻開盞獻細

猪拉多纳

28/08/2011
文： 渡邊年

最近睇咗一齣有關偷聽嘅電影，故事結構及人物描寫都比第一集豐富，加埋一班老甘草，戲味盎然。現實生活中自己亦不時成為偷聽主角，唔係刻意偷，只係好多人逼你聽。




周六凌晨搭小巴返屋企，大大聲播緊達明一派嘅《今天應該很高興》，逼住車上乘客亦大大聲講電話：「嚴乜鬼打吖，『大運』未完已經收到電話叫我上去啦，聽晚齊腳喇，四點上水車頭等……」話音未落，前面又有聲音響起：「櫃面short數搞到咁晏囉，新嚟個靚妹做嘢真係唔掂，我都怕咗佢……」。




司機開車，音樂較細咗，聽得仲多，原來小巴內有十個人講緊電話：「依家好多人用Android機，第時轉款又易，我都轉咗……」後面突然傳來嬌滴滴女聲，但說話夾雜住大量粗口：「我唔係飲咗好多啫，梗係唔×係啦，Jessie冧佢喳喎，鍾意同佢猜……」未定過神，一把沙啞嘅男人聲搶出：「423859，830219，阿積士讓球勝依家幾多倍……」


史卓加斯特遇剋星


香港人愈夜愈精彩，就揀場夜波二串一畀大家，挪超費德列斯達W串史達細，費德列斯達主場食住史卓加斯特，冇得拗頸，史達及薩普斯堡都冇攻力，揀細啱數。




（周一凌晨零時開賽）