甘岡主場唔赦羅連安特

猪拉多纳

30/08/2011
文： 笛子波童

法國聯賽盃今晚上演第三圈賽事，甲組隊由此圈開始加入角逐，羅連安特作客鬥乙組甘岡，甘岡上屆曾在第三圈淘汰雷恩，而且今季主場演出有保證，羅連安特表現時好時壞，作客讓波信唔過，「讓球主勝」及入球「細」可雙投。（周三凌晨零時30分開賽）




翻查上屆法聯盃第三圈戰果，幾支甲組隊好似圖盧茲、索察及雷恩都在此圈陰溝裏翻船，其中雷恩就係作客輸畀今場主角之一嘅甘岡，所以唔好睇小甘岡嘅主場威力。事實上，甘岡對上兩圈都在主場淨勝對手晉級，連同聯賽在內，佢哋今季五場主場只輸一次，表現合格有餘，只要發揮水準有力一戰。




南錫狂瀉難讓歐塞爾




羅連安特季初雖贏過億萬大軍巴黎聖日耳門，但對上一場作客卻不敵升班球隊迪安，就算佢哋上周末反勝南錫二比一，都係靠完場前入波至全取三分，演出太飄忽，作客冇必勝把握，捧「讓球主勝」正路。此外，兩軍比賽慣性少波入，甘岡五場主場全開「細」，羅連安特兩場作客亦未開過「大」，續追「細盤」啱數。




另一場第三圈全甲組對碰，南錫主場鬥歐塞爾，南錫聯賽三連敗，狀態、信心處於谷底，歐塞爾上周末大勝阿些斯奧取得今季首捷，士氣遠勝對手，主隊今場仲要讓波，必捧歐塞爾「讓球客勝」。