南錫炒塞主W有計

猪拉多纳

30/08/2011
文： 走肖

人有尊嚴，所以每逢倒戈出戰，前僱員都希望畀啲顏色舊老細睇。雖然南錫今季出閘脫腳未贏過，但佢哋有新教練費南迪斯領軍倒戈，肯定唔想衰，何況歐塞爾未必會在乎盃仔，南錫今晚喺法聯盃第3圈主場對歐塞爾，有機會開2.2倍主勝。（開賽時間：周三凌晨3:00）




南錫上季死裏逃生護級成功，請到歐塞爾教練費南迪斯接手領軍，點知依然冇咩起色，開咧戰和波後聯賽3連敗，而且新球員得色當中場卡拉保爾同波爾多後衞魯杜域辛尼較有卡士，但講到底，上季費南迪斯仲帶緊歐塞爾，清楚晒對方球員嘅打法同特性，除非佢覺得畀人炒魷冇所謂，否則，今場肯定會吩咐球員搏盡挽回聲譽，唔好忘記，跟手兩隊喺聯賽又碰頭，衰咗呢場，費南迪斯點見人呀？


歐塞爾新兵冇料到


對家方面，歐塞爾喺新教練科尼亞帶領下，開季後都不過得1勝2和1負，鬼咩，來自斯特拉斯堡嘅科尼亞，根本冇咩執教頂級聯賽球會經驗，以往最叻只係做過巴黎聖日耳門臨時教頭，如果唔係中場艾蘭查奧爾連續4場入波，成績可能仲唔掂，加上新簽入嘅朗斯射手祖馬亞同愛斯賓奴前鋒賓沙夏冇料到，呢場歐塞爾又未必會排最強陣容應戰，拉近兩隊實力差距，南錫主場贏波唔奇o架！