英冠「二哥」恰乙組仔 修咸頓主力復出振聲威

猪拉多纳

30/08/2011
文： 牛奶仔

今晚英聯盃第2圈賽事，啱啱輸波谷埋一肚氣嘅英冠「二哥」修咸頓，會作客乙組仔史雲頓，客隊今仗有中場主力卓奴復出，勢必攞對手嚟做出氣袋，要1.65倍客勝！（開賽時間：周三凌晨2:45）


史雲頓近5仗輸4場


史雲頓上季以英甲榜尾身份降班後，今季持續頹勢，近5場比賽輸咗4場，已經跌落英乙降班區，士氣直插谷底。好衰唔衰，連隊長奧利華雷沙及後衞施保治都因傷缺陣，唯獨剛由阿仙奴借嚟嘅小將丹尼爾保定，則預料會先擔任後備。




英冠「二哥」修咸頓上場作客以1球僅負李斯特城，開季5連勝走勢告終，成班球員當然一肚氣，今晚作客乙組仔勢必傾力搏殺重振聲威。修咸頓中場卓奴經過3場停賽後，終於可以復出領軍，即使仲有查迪同李爾班納呢兩名長期傷兵缺陣，但對住實力有限嘅史雲頓依然有力敲響勝鼓。