新加坡國腳爆料 中國球員最愛煲煙聚賭

猪拉多纳

02/09/2011


中國對新加坡安排喺雲南昆明舉行，當地海拔高達1,800米，不過新加坡亦早有準備，佢哋提早一星期就上到高原熟習高海拔氣候，賽前仲會叫球員服藥預防高山症發生。


客軍「啪藥」抗高山症


其實高山症出現因人而異，部分人於海拔1,500米就會出事，所以新加坡唔敢掉而輕心，球員於八月廿五日已抵達昆明，希望把握時間適應高原氣候。有傳黎巴嫩籍球證安德烈日前感到唔舒服，作嘔作悶兼頭暈，雲南足協嘅接待專員已即時安排佢到酒店休息。




另外，已歸化新加坡嘅塞爾維亞球員杜歷治，原來對昆明唔太陌生，事關呢位四十一歲老將，十幾年前曾經効力過中國球隊天津火車頭。佢話部分中國球員私生活唔檢點，印象最深刻係佢哋好鍾意叼住支煙圍埋賭錢，個個飲酒都會認第一。而中國出產嘅烈酒比起洋酒更加嗆喉，仲問飲中國烈酒時點火會唔會爆炸。