傑志嚴陣迎戰日之泉JC晨曦

猪拉多纳

03/09/2011


2011至2012年度本地甲組足球聯賽今日假將軍澳運動場開鑼，揭幕戰戲碼分量十足，由衞冕嘅「港版巴塞」傑志主場迎戰日之泉JC晨曦，兩隊踢法都強調控球在腳，預料將合演一場高水準較量，啱晒鍾意睇技術型打法嘅球迷。（now 634今午5時直播）




「鳳凰計劃」展開，今季本地波亦一改以往在大球場踢揭幕戰嘅傳統，改在將軍澳運動場開鑼，配合上季盟主傑志融入將軍澳，藉球隊悅目踢法，吸引更多區內球迷入場支持。


羅沙度「以錢代刑」可上陣


傑志今季比其他球隊早開操，七月底已出戰巴克萊亞洲錦標賽，與車路士及布力般流浪對壘，雖然兩戰皆北，但該隊控球在腳踢法能跟上英超球隊節奏，表現予人好感，之後拉隊到西班牙集訓，操起狀態迎戰新球季。




傑志近日落力推廣本地波，其中一項策略係玩神秘，會方將正選陣容列作最高機密，將有令人「驚訝」安排，留待今日揭盅，不過該隊新援澳洲中堅米高仍未註冊，無法上陣，因累積黃牌原要坐越季波監嘅中堅羅沙度則用「以錢代刑」方法洗底，今仗可候命，至於金眉教頭甘巴爾繼續停賽，將會繼續在場外小山丘「遙控」督師。


晨曦加碼實力大增


日之泉JC晨曦今季重組巨型班，簽入大批具分量球員如基藍馬、鄭少偉、卓卓等，又簽入澳洲中場米路雲洛域，實力大增，球隊上下對今季人腳都很有信心，希望在開鑼戰能夠旗開得勝。




晨曦有巴西前鋒卡爾仍在養傷未能上陣，兩名新國援侯宇及潘佳也未辦妥註冊，大軍昨賽前操練大玩遊戲，讓球員以輕鬆心情應付今場硬仗。

今日賽程

下午5時 傑志 Vs 日之泉JC晨曦

地點 : 將軍澳運動場

票價 : $60、20（特惠票）