洪禮賢講馬：呂廐M布馬有前途

猪拉多纳

　　華人廐主呂健威，畀人一種謙謙有禮樣子，永遠掛着微笑，既冇架子，亦冇話身為練馬師，地位崇高而chok。又或者以略略向上傾斜45度角咁望住人，總之，同親威哥打招呼，感覺親和。

　　睇過近季此廐成績，好多年嚟幾平穩，對上10年裏，除咗01至03年度嗰兩季，贏馬接近40W，喺最近8季，一直鎖定喺20至30W之間，廐主可以喼得咁耐，證明呢套可能最啱自己。

　　至於講到呢個馬房勝出嘅馬，其實同前文提過嘅徐雨石馬房雷同，大家都係會畀到馬迷驚喜嘅馬房。嘩，喺近兩季嗰47W之中，獨贏賠率超過20倍大有馬在，「福到多多」、「分享」、「人緣好馬」，甚至於75倍巨冷「愛心大使」，是但「揩」中1匹，真係夠響夠獎！

最著數賽績吸引

　　呂廐現時有50幾駒，分布喺三至五班，其實有幾多M布好馬，曾在上季有唔同程度吸引賽績，隨便數幾駒，好似「最著數」、「神聖駒」、「揚威寶」、「風雲」等，呢幾匹馬一旦踏入成長期，進度猛飛的話，「產能」並唔會少，部分或可成為多捷馬。

馬會賽馬節目主持　洪禮賢