喜見「不一樣的雲格」

猪拉多纳

04/09/2011
文： 黃興桂

轉會窗關閉前，有幸畀球迷見到一個「不一樣的雲格」，係人都知「教授」近年鍾情後生仔，平買貴賣贏盡老闆歡心，貼近三十歲嘅球員？根本唔係佢杯茶！但經過一場災難大敗後，估唔到連雲格都變了，買入幾位「即食」戰將，改行「B計劃」助阿仙奴重返軌道。


B計劃玩即食


Peter成日都講，英超競爭實在太大，曼聯開咧後朝氣蓬勃，朗尼弗到漏油，兩支「億萬大軍」曼城與車路士均已砌出星光熠熠陣營。至於利物浦亦肯大灑金錢去力保Big4之名，開咧後總算表現對辦，現時就只剩下阿仙奴持續倒退，點到雲格唔焦急呢。




雖然阿仙奴在轉會窗關閉前嘅收購，並冇如阿古路等重磅交易，但幾名新兵好似阿迪達及梅迪薩卡，都係當打富經驗嘅良將，除咗可以領阿仙奴重上軌道之外，最重要就係夠資歷去帶住一班後生仔成長，為韋舒亞及禾確特護航。




再者阿仙奴除要在聯賽爭前四之外，歐聯戰線亦不能忽視，事關每季嘅歐聯收益已成了每支歐洲大會嘅主要收入來源，每進一級都係錢，所以雲格今次嘅「B計劃」極速掃貨，相信唔會行錯棋，Peter認為「兵工廠」仍有力入前四。反觀上季在歐聯踢出驚喜嘅熱刺則頗令人擔心，事關主力莫迪歷喊走有損球隊士氣，氣氛麻麻，要打入前五有難度。




金句：




山窮水盡疑無路，雲格Plan B靠即食