贏波即出線西班牙「-3」照殺

猪拉多纳

06/09/2011
文： 阿當K神

繼德國之後，今晚亦有多支球隊有望提早鎖定歐國盃決賽周資格，雙料冠軍西班牙今晚只要喺I組主場擊敗魚腩列支敦士登，就可以提早出線，就算讓球主客和開到「-3」，1.48倍「讓球主勝」仍然係唯一選擇！（now632台周三凌晨4:00直播）




「鬥牛兵團」上場同智利踢熱身賽踢到打晒交，但由事件可見一眾皇馬及巴塞球員雖然喺西甲爭到面紅耳熱，响國家隊都總算團結一致。


列支敦士登提早出局


無疑西班牙近期喺熱身賽表現較為反覆，不過佢哋喺歐國盃外圍賽就認真得多，喺I組5戰全勝排榜首，睇番佢哋對上10次主場贏晒，合共更只失3球，今次對住魚腩肯定大部分時間都喺對方半場踢，所以即使兩大中堅佩奧爾同碧基繼續缺陣都冇問題！




列支敦士登早就無緣決賽周，今仗亦唔需要死守。佢哋近5次對西班牙全部輸晒之餘，仲1球波都冇入過，今次相信難逃大敗厄運。




歐國盃外圍賽I組


歐國盃外圍賽賽制：分組賽採主客雙循環賽制，勝得3分、和得1分、負得0分，若同分將先計有關隊伍的對賽成績。每組首名及9組中最佳成績的次名將獲得出線權，餘下8組次名需進行兩回合附加賽決定另外4個出線席位。