關人馬事：贏輸易影響情緒

猪拉多纳

　　贏錢不一定開心，輸錢也不一定失落，賭博最難以言喻之處，在於情緒易受輸贏所影響，這是筆者多年來的親身體驗。

　　舉個例子，某賽日你福星高照，頭場賽事已贏個盤滿鉢滿，WPQT樣樣中齊，派彩勁收幾萬元。此際你定必鬆毛鬆翼，期望乘勝追擊，只可惜好景不常，你由第二場開始接連失利，一直輸至尾場，結果埋單計數僅贏數百元。

　　例子二，某賽日你黑氣纏身，由第一場輸至第九場，口袋裡輸剩幾十，無計可施下，尾場唯有盡地一煲，結果天從人願，大冷門被你一箸夾中，雖然埋單仍要損手，但有幸收復大片失地，幾乎平手走人。

　　兩個例子，前者有錢落袋，後者卻要輸錢，按常理分析，例子一應該較為理想。但實際上，馬迷的反應非常奇妙，當你得而復失，會格外失落，反之失而復得，卻又格外興奮。

　　賭馬向來講求心理質素，例子一雖然有錢贏，可惜輸了心理質素；例子二雖然損手收場，但勝在贏了經驗，從僥倖中汲取了教訓，下次自然賭得精明，不敢過於放肆，長線而言反有得着。

賭博士