阿仙奴劫後重生

猪拉多纳

10/09/2011
文： 樂比堅尼

阿仙奴上輪聯賽以二比八慘敗於曼聯腳下，堪稱英超成立以來最震撼賽果，但兵工廠於轉會窗最後時刻掃貨，加上國際賽檔期過一過「冷河」，對阿仙奴嚟講可謂及時雨，樂比仔深信阿仙奴低潮已過去，今日主場對級數低幾班嘅史雲斯，正好係重建信心大好機會，捧「讓球主勝」！




（有線204及304台周六晚10時直播）




呢個世界好多人都鍾意跟紅頂白，一沉百踩，但想喺足球菠菜獲利，絕對需要擁有同其他人唔同嘅觸覺及眼界，阿仙奴季初表現係差，不過佢哋所輸兩仗分別係狀態甚弗嘅曼聯同利物浦，而且歐聯外圍賽對烏甸尼斯亦順利過關，既然雲格順利喺轉會窗關閉前補充咗朴主永、班拿約、阿迪達、梅迪薩卡及安德里山度士五位具經驗戰將加盟，已唔存在兵源不足及經驗新太嫩問題，點解唔畀多次機會佢哋？




可能有人覺得阿仙奴呢幾位新加盟球員只屬「次貨」，但樂比仔卻認為喺有限資源下，雲格嘅收購已算對症下藥，首先呢幾位球員都係技術型，相信好快可融入阿仙奴體系，尤其係阿迪達嘅角色更係舉足輕重，呢位長期被低估嘅中場絕對有能力喺阿仙奴打出一片天，而其他新球員位置，好似左閘安德里山度士及中堅梅迪薩卡，亦正係兵工廠目前最需要嘅球員。




史雲斯負曼城有辦睇




史雲斯作為英超史上首支威爾斯球隊，畀人感覺係冇英超水準。三戰未贏過不特止，仲一球都入唔到，其中兩場仲係主場，呢隊波好聽就叫四平八穩，難聽啲講就係毫無特色，上次佢哋作客曼城吞四蛋，踢到尾段成隊波慌晒，睇怕「天鵝」今場都聽做炮灰，不妨吼埋阿仙奴大勝波膽！