人棄我取揀史卓加斯特

猪拉多纳

10/09/2011


博弈論係想辦法控制對方或打敗對方，有冇睇過電影《有你終生美麗》（A Beautiful Mind）？羅素高爾飾演嘅男主角約翰納殊（John Nash）就係研究博弈論嘅表表者。




喺電影中，約翰納殊提出一個好有趣嘅追女仔博弈論，喺大學酒吧有四個男仔正商量點樣追一個好靚嘅女孩子，約翰納殊喺旁邊喃喃自語，話如果四個男仔都追同一個女仔，佢一定擺款，邊個都唔睬，呢四個男仔再去追其他女仔，其他女仔都唔會接受，因為冇人願意做「次品」，但如果四個男仔都追其他女仔，最靚嗰個女仔就會感到被孤立，到時要追上手就易得多喇。


挪超冇乜人吼易搵食


套用其他方面，即係話多人吼嘅唔好吼，冇人吼嘅走去吼就會有着數，即係俗語所講嘅「人棄我取」，喺賭波上，搵啲少人注意嘅場次加以研究，其實仲易搵食。




星期六早段英超英冠德甲最多人買，我哋可以搵一啲少啲人注意嘅聯賽埋手，提供同英超同時間開波嘅挪超史卓加斯特對維京，史軍主場食住維京，今場可值國際賽期抖咗一周從弱勢反彈。