曼聯良性循環成績保證

猪拉多纳

10/09/2011
文： 張志德

同樣係重用小將，曼聯遠勝阿仙奴一籌，再次證明領隊費格遜功力深不可測，現時呢班小紅魔愈踢愈Sharp醒，打起信心之後，更加勒唔住，曼聯今晚作客保頓，應該可再下一城，若嫌客Ｗ太熱冇肉食，可以進取啲博「讓球客勝」。




（有線300及200台周日凌晨零時30分直播）




曼聯呢批後生仔今季有咁突出表現，的確令人喜出望外，證明重用年輕球員，唔一定會令成績下滑，阿仙奴主帥雲格或者應該向費Sir取經。後起之秀湧現亦帶動曼聯內部競爭，其他球員都要落多幾錢肉緊，繼而提升球隊整體實力，紅魔鬼處於一個良性循環。雖然話朗尼、艾舒利楊格日前踢完國際賽，但佢哋早已慣咗頻密賽程，對今場發揮唔會有影響，勢必繼續強攻保頓。


保頓遇強腳仔軟


保頓開季表現唔錯，但遇上強隊，就立即現形，輸完畀曼城後，又不敵利物浦，而且兩仗共失六球之多，反映佢哋始終只屬二線球隊。所以保頓定位方面，估計都係集中力量喺中下游球隊身上搶分，面對勁旅只能讓路。




本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。