韋斯咸熱透跟得過

猪拉多纳

10/09/2011


英超係現時全球投X額最高嘅聯賽，好多同時段嘅賽事，都畀英超搶走唔少生意，所以好多其他聯賽，都開始改變開波時間，以開拓新市場，但英格蘭低級別聯賽，由於傳統上都係同時開波，故投X額唔多唔少都受到影響。




不過，今個星期六有場英冠重頭戲，韋斯咸主場對樸茨茅夫，就吸引到唔少早餐飛，好似英國菠菜公司bet365嘅主W，就由1.72倍急跌至1.61倍，而奧地利菠菜公司Admiral更由1.85倍大幅跌至1.65倍，可見韋斯咸主W受全球性追捧，但最誇張嘅都係馬會竟開出全球最低嘅1.45倍，同市場相距極遠，究竟眼光係咪真係咁獨到？


人腳超晒班


可能好多人覺得韋斯咸咁熱係名牌效應，畢竟韋斯咸今季先由英超降班，又搵到名帥艾拿戴斯執教，點都有啲捧場飛支持，但有分析認為，韋斯咸季初表現絕非虛火，而係真材實料，即使該隊早前喺轉會窗關閉之前，將主將柏加賣畀熱刺，但實力喺英冠嚟講仍然係超班。




其實「Big Sam」喺組軍之前，一早已預咗柏加會離隊，所以佢立即購入紐卡素隊長路蘭領軍，故就算冇咗柏加影響都唔大，加埋卡頓高爾、麥克盧保等球員，絕對係英超班底踢英冠，大戶同操盤手都咁有信心係有原因。（now 638周六晚10時直播）