賠率有路捉：明旺位置有料到

猪拉多纳

　　新馬季開鑼隔夜飛已經有古怪，是日陣容龐大的蔡約翰軍團，旗下有名氣嘅參戰馬，竟然匹匹都唔係獨贏大熱門，最叻仔已經係第九場「皇帝法令」，曾成為位置大熱，唔通暗示蔡廐馬信唔過？小心為妙。

　　至於怪飛馬，不得不說第六場李廐「明旺」，呢匹五歲馬隔晚個W唔多惹飛，有15倍咁多，但個P睇嚟唔講得笑，曾經得番1.5倍。熱得咁交關，唔通因為佢排喺一檔？相信唔止呢個原因。睇番佢上季個績，原來跑咗三次田草1400米，兩次榜上有名，獲得亞季各一，入Q嗰役，仲以頸位之差輸畀「快達小子」，位置熱得有理，拖埋佢。

吳嘉晉騎師王有飛

　　騎師王方面，韋達騎足十場，有2.1倍一啲都唔奇，反而十磅仔吳嘉晉，坐騎得六匹咁多，竟然得11倍就有啲怪，不妨博佢。　

周仲