蒙彼利埃燒到埋尼

猪拉多纳

11/09/2011
文： SAMVO肥叔

法甲係水準較為平均嘅聯賽，除里昂近年比較突出外，其他球隊好似馬賽、波爾多、里爾都有機會突圍，唔似得西甲、英超咁，來來去去都係嗰兩隊爭標，而且法甲另一可愛之處，係季初通常都會有一、兩支巨人殺手冒起，今季蒙彼利埃就成為銀行球隊。

蒙彼利埃季初聯賽四戰三勝一負，可能好多人覺得係虛火，肥叔唔敢話佢哋去到季尾都可以保持住呢個成績，但根據經驗，通常呢啲虛火都唔會咁快完，畢竟佢哋贏雷恩、里爾同歐塞爾等球隊，都唔係靠符碌，而係真材實料，今仗主場對聯賽未開齋嘅尼斯，相信可再下一城。（now 634周日晚11時直播）


貝迪斯桑坦德抵玩


西甲方面，肥叔則睇好貝迪斯。貝迪斯雖然今季先升班，但佢哋有多年西甲經驗，所以季初都好快適應到，首場聯賽作客一比○擊敗CF格蘭納達，今仗係佢哋升班後首場主場，對住不擅作客嘅地頭蟲馬略卡，相信貝迪斯可憑主場之利擊敗對手。

另一支西甲球隊桑坦德，肥叔又係好鍾意，呢隊波勝在實而不華，夠晒正氣，主場出擊對住實力接近嘅利雲特，讓平半好抵玩，一於要埋上盤。

鍾意玩大細嘅朋友，則推介德甲禾夫斯堡大盤畀大家，呢隊波入得又失得，對住近期腳風順嘅史浩克04，相信入球唔會少，呢場無謂買盤，捧大好過！


肥叔心水


貝迪斯（上盤）

西布朗（下盤）

桑坦德（上盤）

蒙彼利埃（上盤）

禾夫斯堡（大）

富咸（大）