前鋒輸到慌好大鑊

猪拉多纳

11/09/2011
文： 蘇豪

清水心跳引入過氣瑞典球星龍格保，馬上成為日職人氣球隊。今時今日做乜都好，一定要有噱頭，搞好包裝，做足宣傳，呯一聲，最緊要夠爆！心跳可望吸引大批球迷入場觀戰，到底龍格保先生是否仲踢得？Who cares？踢得好咪繼續踢囉，踢得唔好咪分手囉。


龍格保投心跳雙贏


龍格保失驚無神殺去日職，中外傳媒都好shocking，呢位瑞典球星自稱見到311大地震災情嚴重，所以要去日本踢波支持當地人民，好似好偉大咁。龍格保步入職業生涯黃昏期，今次漂洋過海整轉東瀛遊，支持災民之餘仲可以於空閒時間開拓新市場，呢位型男之前代言名牌內褲出晒名，隨時吸引大批日本贊助商排住隊送錢上門。呢單轉會令心跳揚名，龍格保獲利，各取所需，咁就雙贏啦！

言歸正傳，日職川崎前鋒聯賽七連敗，上場對住柏雷素爾領先兩球反輸三球，如假包換輸到慌，今周主場對神戶勝利船，唔敢博佢反彈住。兩隊以往於前鋒主場交手旺大盤，相信今次亦唔例外，一於買定花生爆谷睇入球騷！（now 634周日晚6時直播）