貝迪斯乘勝追擊吼主Ｗ

猪拉多纳

11/09/2011
文： 法比加輝

今個暑假可算係加輝自出娘胎以來過得最充實，全因為見了兩個好欣賞嘅人，亞洲小天王蕭敬騰同NBA史上最年輕MVP戴歷羅斯。自從《星光一》在○七年播出後，加輝已為老蕭着迷，極度期待欣賞佢嘅現場演繹，殊不知要等四年先等到佢在香港開演唱會，而且Rundown亦遠不及佢喺台北小巨蛋那個「洛克先生演唱會」（真係唔明點解要唱咁多廣東歌），幸好老蕭唱功彌補一切，到呢一刻仍懷念那個High爆晚上。


迷上蕭敬騰戴歷羅斯


至於戴歷羅斯，就係加輝現時最欣賞嘅NBA球星，我鍾意佢夠Guts，人仔細細毫無懼色瘋狂剷籃，呢啲先係波嘛！近年嘅NBA好少呢類球員，當然因為教練們未必容忍到佢哋違背戰術部署，但NBA最好睇始終都係Crossover愚弄敵人等單打獨鬥場面，可惜現時已經買少見少。

蕭敬騰同戴歷羅斯都係潛力無限嘅驚世天才，但佢哋彈起絕非單靠天賦，而係肯謙遜做人。西甲推介貝迪斯主場對馬略卡，貝迪斯開鑼戰贏波，今晚乘勝追擊，要主勝。（now 632及660周日晚6時直播）